Lebap welaýat kitaphanasynda akyldar şahyrymyz Magtymguly Pyragynyň doglan gününiň 300 ýyllygyna bagyşlanan “Magtymguly Pyragynyň edebi mirasy” atly hepdelik kitap serginiň açylyş dabarasy geçirildi. Bu sergä Türkmenistanyň Mejlisiniň deputatlary, bilim işgärleri, Türkmenabat şäherindäki orta hünär okyw mekdepleriniň talyp ýaşlary gatnaşdylar. Guralan giňişleýin kitap sergisi gatnaşyjylarda uly täsir galdyrdy.